- ధనవంతుల రేసులో అనూహ్య మలుపు
- ఒరాకిల్ సహవ్యవస్థాపకుడు లారీకే పీఠం
సహనం వందే, అమెరికా:
ప్రపంచంలో అత్యంత సంపన్నుడైన ఎలాన్ మస్క్ తన పీఠాన్ని కోల్పోయాడు. అపారమైన కంప్యూటింగ్ శక్తికి డిమాండ్ పెరిగిన నేపథ్యంలో ఒరాకిల్ సహవ్యవస్థాపకుడు లారీ ఎలిసన్ అనూహ్యంగా అతడిని అధిగమించి కొత్త ధనవంతుల రాజుగా అవతరించాడు. ఒరాకిల్ అద్భుతమైన ఆదాయ నివేదికతో లారీ సంపద ఒక్క రోజులోనే ఆకాశానికి ఎగిసింది.
ఒరాకిల్ ఆదాయంతో దూకుడు…
ఒరాకిల్ సంస్థ మంగళవారం సాయంత్రం విడుదల చేసిన ఆదాయ నివేదిక ప్రపంచాన్ని ఆశ్చర్యపరిచింది. కృత్రిమ మేధస్సు కంపెనీల నుంచి వచ్చిన భారీ డిమాండ్తో ఒరాకిల్ షేర్లు ఒక్కరోజులోనే నలభై శాతం పెరిగాయి. సంస్థ సీఈవో సఫ్రా కాట్జ్ ఈ త్రైమాసికంలో నాలుగు బిలియన్ డాలర్ల కాంట్రాక్టులు కుదుర్చుకున్నామని ప్రకటించారు. ఈ విజయం లారీ ఎలిసన్ సంపదను 3.93 బిలియన్ డాలర్లకు చేర్చింది. ఇదే సమయంలో ఎలాన్ మస్క్ సంపద 3.85 బిలియన్ డాలర్లకు పడిపోయింది. లారీ ఎలిసన్ సంపద ఒక్క రోజులోనే ఒక లక్ష ఒక బిలియన్ డాలర్లు పెరగడం ఇప్పటివరకు ఒక రోజులో సంపద పెరుగుదలలో అతిపెద్ద రికార్డు కావడం విశేషం.
కృత్రిమ మేధస్సు బూమ్…
ఒరాకిల్ సంస్థ కృత్రిమ మేధస్సు సాంకేతికతకు కీలకమైన క్లౌడ్ సేవలు, డేటాబేస్ సాఫ్ట్వేర్లలో ఆధిపత్యం చెలాయిస్తోంది. కృత్రిమ మేధస్సు కంపెనీలకు అవసరమైన భారీ కంప్యూటింగ్ శక్తిని అందిస్తోంది. జూలైలో ఓపెన్ ఏఐ సంస్థతో కుదుర్చుకున్న నాలుగు దశమ ఐదు గిగావాట్ల విద్యుత్ సరఫరా ఒప్పందం ఒరాకిల్ షేర్ల విలువను మరింత పెంచింది. ఈ ఏడాది ఒరాకిల్ షేర్లు 103 శాతం పెరిగి సంస్థ మార్కెట్ విలువ 7 లక్షల కోట్ల డాలర్లకు చేరుకుంది. ఒరాకిల్ ఇప్పటికే నీవిడియా, మైక్రోసాఫ్ట్ వంటి దిగ్గజాలకు గట్టి పోటీ ఇస్తోంది.
కాలేజీ డ్రాప్ అవుట్ నుంచి కుబేరుడిగా…
ఒకప్పుడు కళాశాలను వదిలేసిన లారీ ఎలిసన్ జీవితం ఆసక్తికర మలుపులతో నిండి ఉంది. 81 ఏళ్ల ఈయన హవాయి దీవుల్లోని లానాయ్ దీవిని దాదాపు పూర్తిగా సొంతం చేసుకున్నాడు. కాలిఫోర్నియాలోని ఇండియన్ వెల్స్ టెన్నిస్ టోర్నమెంట్ను పునరుద్ధరించి దానికి ఐదో స్లామ్ అనే పేరు తెచ్చాడు. డొనాల్డ్ ట్రంప్తో అతనికి సన్నిహిత సంబంధాలు ఉన్నాయి. టిక్టాక్ కొనుగోలులో కూడా అతని పేరు వినిపించినప్పటికీ, ఆ ప్రణాళిక ఫలించలేదు. మస్క్ పతనం, ఎలిసన్ ఉదయం… ఈ ఆర్థిక రణరంగంలో ఎవరు గెలుస్తారో వేచి చూడాలి.
