- నవంబర్ 13వ తేదీన ఇండియాలో లాంచ్
- ఐఫోన్ కంటే రెట్టింపు ఛార్జింగ్ సామర్థ్యం…
- ఇండియాలో ధర 75 వేల వరకు ఉండవచ్చు
- టెక్ ప్రపంచంలో తుఫాన్: యాపిల్కు వణుకు!
సహనం వందే, హైదరాబాద్:
స్మార్ట్ఫోన్ల రణరంగంలో వన్ప్లస్ మరోసారి యుద్ధానికి సిద్ధమైంది. సోమవారం (నేడు) చైనాలో వన్ప్లస్ 15 విడుదల కానుంది. క్వాల్కమ్ స్నాప్డ్రాగన్ 8 ఎలైట్ జెన్ 5 చిప్తో రూపొందిన ఈ ఫోన్ ఏకంగా యాపిల్ ఐఫోన్ 17 సిరీస్తో ఢీ అంటే ఢీ అని పోటీపడటానికి రంగంలోకి దిగుతోంది. 7300 ఎంఏహెచ్ బ్యాటరీ, అదిరిపోయే కెమెరాలు, స్టైలిష్ డిజైన్తో భారత మార్కెట్ను షేక్ చేయడానికి ఈ ఫోన్ సిద్ధంగా ఉంది. టెక్ ప్రియుల గుండెల్లో చిచ్చురేపే ఈ ఫోన్ టెక్ దిగ్గజాలను బెంబేలెత్తించడం ఖాయం.
వేగంలో సూపర్స్టార్… చిప్ యుద్ధంలో గెలుపు
వన్ప్లస్ 15కు హృదయం వంటిది క్వాల్కమ్ స్నాప్డ్రాగన్ 8 ఎలైట్ జెన్ 5 చిప్సెట్. ఈ 3 ఎన్ఎమ్ చిప్ యాపిల్ ఐఫోన్ 17లోని ఏ18 ప్రో చిప్కు గట్టి సవాల్ విసురుతుంది. అడ్రినో 840 జీపీయూతో గేమింగ్, వీడియో ఎడిటింగ్, మల్టీటాస్కింగ్లో ఈ ఫోన్ రాకెట్ వేగంతో దూసుకెళ్తుంది. 16 జీబీ ర్యామ్... 1 టీబీ స్టోరేజ్తో యాపిల్ ఫోన్లకు సైతం సవాల్ విసిరే ఈ వన్ప్లస్ 15 స్పీడ్లో నిజమైన సూపర్స్టార్గా నిలుస్తుంది.
ఐఫోన్ కంటే రెట్టింపు ఛార్జింగ్ సామర్థ్యం…
వన్ప్లస్ 15లోని 7300 ఎంఏహెచ్ బ్యాటరీ దాని అసలైన బలం. ఐఫోన్ 17 సిరీస్లో కేవలం 4400 ఎంఏహెచ్ బ్యాటరీతో పోలిస్తే ఇది దాదాపు రెట్టింపు శక్తితో ముందుకొస్తోంది. ఏకంగా 2 రోజుల పాటు ఛార్జింగ్ లేకుండా సునాయాసంగా నడిచే ఈ బ్యాటరీ… యాపిల్ ఫోన్ల బ్యాటరీ సామర్థ్యాన్ని సవాలు చేసేలా ఉంటుందని అంటున్నారు. వన్ప్లస్ సూపర్ ఫాస్ట్ ఛార్జింగ్ టెక్నాలజీ సైతం యాపిల్ ఛార్జింగ్ వేగాన్ని మించి క్షణాల్లో ఫోన్ను రీఛార్జ్ చేస్తుంది.
ఫొటోల్లో ఫైర్… కెమెరా కింగ్గా వన్ప్లస్
వన్ప్లస్ 15లో సమర్థవంతమైన ట్రిపుల్ రియర్ కెమెరా సెటప్ ఉంది. మూడు 50 ఎంపీ లెన్స్లు ఐఫోన్ 17 ప్రోలోని 48 ఎంపీ మెయిన్ కెమెరాకు గట్టి పోటీనిస్తాయి. అల్ట్రావైడ్, టెలిఫోటో లెన్స్లతో అద్భుతమైన ఫొటోలు, 8కే వీడియోలు తీయగల ఈ సెటప్, టెక్ లవర్స్ను కట్టిపడేస్తుంది. 32 ఎంపీ సెల్ఫీ కెమెరా, డ్యూయల్ ఎల్ఈడీ లైట్లతో తక్కువ వెలుతురులోనూ వన్ప్లస్ మెరుస్తుంది. యాపిల్ కెమెరా సిస్టమ్తో పోలిస్తే ఇది మరింత స్పష్టమైన, రంగులమయమైన షాట్లను అందిస్తుంది.
స్టైల్లో స్టన్: డిస్ప్లేలో అజేయం
8.5 మిల్లీమీటర్ల సన్నని డిజైన్తో వన్ప్లస్ 15 స్టైల్లో సూపర్స్టార్. ఐఫోన్ 17 డిజైన్కు ధీటుగా, స్క్వోవల్ కెమెరా ఐలాండ్, మెటల్ ఫ్రేమ్తో ఈ ఫోన్ ప్రీమియం లుక్ను సొంతం చేసుకుంది. 6.78 అంగుళాల ఎల్టీపీఓ అమోలెడ్ డిస్ప్లే,165 హెర్ట్జ్ రిఫ్రెష్ రేట్తో స్మూత్, వైబ్రంట్ వీక్షణ అనుభవాన్ని అందిస్తుంది. ఐఫోన్ 17లోని 120 హెర్ట్జ్ డిస్ప్లేతో పోలిస్తే గేమింగ్, స్క్రోలింగ్లో వన్ప్లస్ అజేయం. సిరామిక్ గార్డ్ గ్లాస్, ఐపీ68 రేటింగ్తో రక్షణ కూడా అదనపు ఆకర్షణ.
అందుబాటులో ధర...
వన్ప్లస్ 15 భారత్లో నవంబర్ 13న లాంచ్ కానుంది. 16 జీబీ ర్యామ్, 512 జీబీ స్టోరేజ్ వెరియంట్ ధర రూ. 70,000 నుంచి రూ. 75,000 మధ్య ఉండవచ్చు. ఐఫోన్ 17 సిరీస్ ధర రూ. 90,000 నుంచి ప్రారంభమవుతుంది కాబట్టి వన్ప్లస్ ధరలో అత్యంత ఆకర్షణీయంగా నిలుస్తుంది. ఆన్లైన్ స్టోర్, అమెజాన్లలో ఈ ఫోన్ అమ్మకానికి రానుంది. తక్కువ ధరలో ఎక్కువ ఫీచర్లతో వన్ప్లస్ 15 భారత మార్కెట్ను ఊపేయడం, టెక్ ప్రియులను తనవైపు తిప్పుకోవడం ఖాయమని ఆ కంపెనీ వర్గాలు చెబుతున్నాయి.
