రగులుతున్న గిరిజన వివాదం – లంబాడీల ఆత్మగౌరవ పోరాటం

పొంగులేటి ప్రమేయం?
సంజీవ్ నాయక్ ఆరోపణలు కేవలం ప్రభుత్వానికే పరిమితం కాలేదు. కాంగ్రెస్ పార్టీలో ఉన్న భద్రాచలం ఎమ్మెల్యే తెల్లం వెంకట్రావు, సోయం బాపూరావు వంటి వారిని ముఖ్యమంత్రి పిలిచి కేసును ఉపసంహరించుకునేలా చేయవచ్చని, కానీ ఆ పని చేయడం లేదని ప్రశ్నించారు. ఇది సమస్యను కావాలనే పెద్దది చేస్తున్నారని అనడానికి నిదర్శనమని అన్నారు. తెల్లం వెంకట్రావు తన ప్రధాన అనుచరుడు కావడంతో ఈ వివాదం వెనుక మంత్రి పొంగులేటి శ్రీనివాస్ రెడ్డి ప్రోత్సాహం ఉందని ఆయన స్పష్టం చేశారు.

రాజ్యాంగబద్ధమైన హక్కుల రక్షణ…
లంబాడీలు అక్రమంగా గిరిజన జాబితాలో చేరారని కొందరు చేస్తున్న ఆరోపణలను లంబాడీ సంఘాలు తీవ్రంగా ఖండించాయి. లంబాడీలు రాజ్యాంగబద్ధంగానే గిరిజన జాబితాలో చేరారని, ఈ విషయం తెలిసి కూడా ప్రభుత్వం అధికారికంగా ప్రకటన చేయకపోవడం దారుణమని ఆవేదన వ్యక్తం చేశారు. తమ ఆత్మగౌరవం కోసం ఎంతవరకైనా పోరాడటానికి సిద్ధమని హెచ్చరించారు. ప్రభుత్వం తక్షణమే స్పందించకుంటే ఆత్మగౌరవ పోరాటాలు నిర్వహిస్తూనే ఉంటామని, ఈ వివాదం పరిష్కారమయ్యే వరకు విశ్రమించబోమని స్పష్టం చేశారు. ఈ ర్యాలీలో సేవాలాల్ సేన రాష్ట్ర అధ్యక్షుడు బానోత్ హుస్సేన్ నాయక్, జాక్ నాయకులు వీరు నాయక్, ఎల్.హెచ్.పి.ఎస్. రాష్ట్ర అధ్యక్షుడు రాజేష్ నాయక్, డాక్టర్ శంకర్ నాయక్ సహా పలువురు ఉద్యోగ, ఉపాధ్యాయ సంఘాల నాయకులు కూడా పాల్గొన్నారు.