- బన్నీ బర్త్ డే బ్లాస్ట్… దీపికా క్రేజీ ఎంట్రీ
- గూస్ బంప్స్ పోస్టర్… బాక్సాఫీస్ రికార్డ్ వేట
సహనం వందే, హైదరాబాద్:
గ్లోబల్ స్టార్ అల్లు అర్జున్ పుట్టినరోజు వేళ చిత్ర పరిశ్రమలో భారీ ప్రకంపనలు మొదలయ్యాయి. గతంలో ఎన్నడూ లేని విధంగా ఒక మాస్ యాక్షన్ డ్రామా కోసం దక్షిణ భారతం నుంచి బాలీవుడ్ వరకు అంచనాలు నెలకొన్నాయి. కేవలం ఒక టైటిల్ పోస్టర్తోనే సినిమా ప్రపంచాన్ని అట్లీ తన వైపు తిప్పుకున్నారు. ఈ క్రేజీ ప్రాజెక్ట్ గ్లోబల్ బాక్సాఫీస్ లెక్కలను పూర్తిగా మార్చేలా కనిపిస్తోంది.
బన్నీ బర్త్ డే గిఫ్ట్
ఏప్రిల్ 8న ఐకాన్ స్టార్ అల్లు అర్జున్ పుట్టినరోజును పురస్కరించుకుని చిత్ర బృందం అదిరిపోయే అప్డేట్ ఇచ్చింది. మంగళవారం ప్రీ లుక్ పోస్టర్ విడుదల చేసి హంగామా మొదలుపెట్టిన మేకర్స్, బుధవారం నాడు సినిమా టైటిల్ ప్రకటిస్తూ సర్ప్రైజ్ ఇచ్చారు. ఈ సినిమాకు రాకా అనే పవర్ఫుల్ పేరును ఖరారు చేశారు. ఈ టైటిల్ సోషల్ మీడియాలో నిమిషాల్లోనే సెన్సేషన్ క్రియేట్ చేస్తూ ట్రెండింగ్లోకి వచ్చేసింది.
అట్లీ మార్క్ మ్యాజిక్
సెన్సేషనల్ డైరెక్టర్ అట్లీ ఈ సినిమాను అత్యంత ప్రతిష్టాత్మకమైన భారీగా రూపొందిస్తున్నారు. తాజాగా విడుదలైన టైటిల్ పోస్టర్ చూస్తే ఆయన తన మార్క్ మాస్ ఎలిమెంట్స్ని గట్టిగానే దట్టించినట్లు తెలుస్తోంది. డార్క్ అండ్ ఇంటెన్స్ కలర్ గ్రేడింగ్తో ఆకట్టుకుంటున్న ఈ పోస్టర్ బ్యాక్గ్రౌండ్లో ఉన్న ఎలిమెంట్స్ ఒక భారీ యాక్షన్ విజువల్ని కళ్లకు కడుతున్నాయి.
రాకా అంటే ఏమిటి?
నెట్టింట ఇప్పుడు రాకా అనే పేరుపైనే పెద్ద ఎత్తున చర్చ నడుస్తోంది. మేకర్స్ ఏ ఉద్దేశంతో ఈ పేరు పెట్టారనేది ప్రస్తుతానికి రహస్యంగా ఉన్నా ఒక్కొక్కరు ఒక్కో విధంగా విశ్లేషిస్తున్నారు. ఈ పేరు సినిమాలోని ఇంటెన్సిటీని, హై వోల్టేజ్ మాస్ ఎలిమెంట్స్ని పరిచయం చేస్తోంది. పోస్టర్ డిజైన్ ద్వారా ప్రేక్షకుల్లో గూస్ బంప్స్ తెప్పించడంలో దర్శకుడు పూర్తిగా సక్సెస్ అయ్యారు.
దీపికా పదుకొణే ఎంట్రీ
ఈ భారీ ప్రాజెక్టులో బాలీవుడ్ బ్యూటీ దీపికా పదుకొణే కథానాయికగా నటిస్తోంది. ఆమె చేరికతో ఈ మూవీపై మొదటి నుంచి ఉన్న అంచనాలు మరింత పెరిగాయి. గ్లోబల్ మార్కెట్ని దృష్టిలో పెట్టుకుని మేకర్స్ ఈ సినిమాను అత్యంత ఖరీదైన హంగులతో నిర్మిస్తున్నారు. కొన్ని నెలలుగా ఈ సినిమాకు సంబంధించిన రెగ్యులర్ షూటింగ్ శరవేగంగా జరుగుతోంది.
