సహనం వందే, న్యూఢిల్లీ:
ఎన్డీఏ ఉపరాష్ట్రపతి అభ్యర్థిగా ఎంపికైన సీపీ రాధాకృష్ణన్‌ను విజయనగరం ఎంపీ కలిశెట్టి అప్పలనాయుడు, ఏపీ మంత్రి నారా లోకేశ్‌తో సహా మర్యాదపూర్వకంగా కలిశారు. సోమవారం న్యూఢిల్లీలో జరిగిన ఈ సమావేశంలో వారు రాధాకృష్ణన్‌కు తమ శుభాకాంక్షలు తెలిపారు. ఈ సమావేశం కేవలం మర్యాదపూర్వకం మాత్రమేనని పార్టీ వర్గాలు పేర్కొన్నాయి. రాధాకృష్ణన్‌కు ఆంధ్రప్రదేశ్ ప్రతినిధులు తమ మద్దతును తెలియజేసేందుకు ఈ భేటీ జరిగినట్లు సమాచారం.
ఎన్డీఏ ఉపరాష్ట్రపతి అభ్యర్థిగా తమిళనాడుకు చెందిన బీజేపీ సీనియర్ నాయకుడు రాధాకృష్ణన్‌ను ప్రకటించిన విషయం తెలిసిందే. ఎన్నిక త్వరలో జరగనున్న నేపథ్యంలో ఆంధ్రప్రదేశ్ నాయకులు రాధాకృష్ణన్‌కు తమ మద్దతును ప్రకటించారు. ఆయన అనుభవం, నాయకత్వం దేశానికి ఎంతో ఉపయోగపడతాయని వారు ఆశాభావం వ్యక్తం చేశారు. రాధాకృష్ణన్ నాయకత్వ లక్షణాలపై తమకు పూర్తి నమ్మకం ఉందని కలిశెట్టి పేర్కొన్నారు.
